சர்ப்ப தோஷத்தால் ஏற்படும் இடர் நீங்கி விரைவில் திருமணம் நடைபெற பாட வேண்டிய பதிகம் (ஆண், பெண் இரு பாலருக்கும்)

சர்ப்ப தோஷத்தால் ஏற்படும் இடர் நீங்கி விரைவில் திருமணம் நடைபெற பாட வேண்டிய பதிகம் (ஆண், பெண் இரு பாலருக்கும்)

 திருமருகல்

திருஞானசம்பந்தர் தேவாரம் 

திருச்சிற்றம்பலம் 

1.சடையாய் எனும் ஆல்; சரண் நீ எனும் ஆல்; விடையாய் எனும் ஆல்; வெருவா விழும் ஆல்; மடை ஆர் குவளை மலரும் மருகல்
 உடையாய்; தகுமோ இவள் உள் மெலிவே?

2.சிந்தாய் எனும் ஆல்; சிவனே எனும் ஆல்; முந்தாய் எனும் ஆல்; முதல்வா எனும் ஆல்; கொந்து ஆர் குவளை குலவும் மருகல்
 எந்தாய்; தகுமோ இவள் ஏசறவே?

3.அறை ஆர் கழலும் அழல்-வாய் அரவும்

 பிறை ஆர் சடையும் உடையாய்; பெரிய
 மறையார் மருகல் மகிழ்வாய்; இவளை
 இறை ஆர் வளை கொண்டு எழில் வவ்வினையே.

4.ஒலி-நீர் சடையில் கரந்தாய்; உலகம்

 பலி நீ திரிவாய்; பழி இல் புகழாய்; மலி-நீர் மருகல் மகிழ்வாய்; இவளை
 மெலி-நீர்மையள் ஆக்கவும் வேண்டினையே.

5.துணி நீல-வண்ணம் முகில் தோன்றியன்ன

 மணி நீல-கண்டம் உடையாய்; மருகல்
 கணி நீல-வண்டு ஆர் குழலாள் இவள்-தன்
 அணி நீல ஒண்-கண் அயர்வு ஆக்கினையே.

6.பலரும் பரவப் படுவாய்; சடைமேல்

 மலரும் பிறை ஒன்று உடையாய்; மருகல்
 புலரும் தனையும் துயிலாள்; புடை-போந்து
 அலரும் படுமோ அடியாள் இவளே?

7.வழுவாள் "பெருமான் கழல் வாழ்க" எனா

 எழுவாள்; நினைவாள் இரவும் பகலும்; மழுவாள் உடையாய்; மருகல் பெருமான்; தொழுவாள் இவளைத் துயர் ஆக்கினையே.

8.இலங்கைக்கு இறைவன் விலங்கல் எடுப்பத்
 துலங்கவ் விரல் ஊன்றலும் தோன்றலனாய்
 வலங்கொள், மதில் சூழ் மருகல் பெருமான்; அலங்கல் இவளை அலர் ஆக்கினையே.

9.எரி ஆர் சடையும் அடியும் இருவர்

 தெரியாதது ஒர் தீத்-திரள் ஆயவனே; மரியார் பிரியா மருகல் பெருமான்; அரியாள் இவளை அயர்வு ஆக்கினையே.

10.அறிவு இல் சமணும் அலர்-சாக்கியரும்
 நெறி அல்லன செய்தனர், நின்று உழல்வார்; மறி ஏந்து கையாய்; மருகல் பெருமான்; நெறி ஆர் குழலி நிறை நீக்கினையே.

11.வயஞானம் வல்லார் மருகல் பெருமான்

 உயர்-ஞானம் உணர்ந்து அடி உள்குதலால்
 இயல்-ஞான-சம்பந்தன பாடல் வல்லார்
 வியன்-ஞாலம் எல்லாம் விளங்கும் புகழே.

திருச்சிற்றம்பலம்